وہ شخص کہ میں جس سے محبت نہیں کرتا | Wo Shaks Ke Mai Jis Se Mohabbat Nahi Karta

وہ شخص کہ میں جس سے محبت نہیں کرتا Poet: قتیل شفائی

By: muhammad zubair, Chichawatni

وہ شخص کہ میں جس سے محبت نہیں کرتا
ہنستا ہے مجھے دیکھ کے ، نفرت نہیں کرتا

گھر والوں کو غفلت پہ سبھی کوس رہے ہیں 
چوروں کو مگر کوئی ملامت نہیں کرتا

دیتے ہیں اجالے مرے سجدوں کی گواہی 
میں چھپ کے اندھیروں میں عبادت نہیں کرتا

بھولا نہیں میں آج بھی آداب جوانی
میں آج بھی اوروں کو نصیحت نہیں کرتا

دنیا میں قتیل اس سا منافق نہیں کوئی 
جو ظلم تو سہتا ہے بغاوت نہیں کرتا