Tuj Se Wada Azeez Tar Rakha | تجھ سے وعدہ عزیز تر رکھا

تجھ سے وعدہ عزیز تر رکھا

Poet: Kishwar Naheed

By: Zafar, khi

تجھ سے وعدہ عزیز تر رکھا
وحشتوں کو بھی اپنے گھر رکھا

اپنی بے چہرگی چھپانے کو
آئینے کو ادھر ادھر رکھا

اک ترا غم ہی اپنی دولت تھی
دل میں پوشیدہ بے خطر رکھا

آرزو نے کمال پہچانا
اور تعلق کو طاق پر رکھا

اس قدر تھا اداس موسم گل
ہم نے آب رواں پہ سر رکھا

اپنی وارفتگی چھپانے کو
شوق نے ہم کو در بہ در رکھا

کلمۂ شکر کہ محبت نے
ہم کو تمہید خواب پر رکھا

ان کو سمجھانے اپنا حرف سخن
آنسوؤں کو پیام پر رکھا